OPEN Portfolio Bilboko bihotzera itzuliko da
OPEN Portfolio FIG, Sortzen ari den Grafikaren Nazioarteko Topaketa, Bilboko bihotzera itzuliko da urriaren 11tik 13ra Euskalduna Bilbaon. Hiru jardunaldietan, Open Portfolio FIG lehiaketaren XI. edizioko 16 artista grafiko hautatuak bilduko ditu, jasotako ehun proposamen baino gehiagoren artean aukeratuak izan zirenak.
Arte grafikoaren etorkizuneko promesak deskubritzeko aukera ezinhobea eskaintzen duen hitzordua da.
16 artista horien lanak Euskalduna Bilboko Erakusketa Hallean ikusgai izango dira, urriaren 11tik 13ra. Sarrera librea izango da, eta goizez zein arratsaldez erakusketa ikusi ahal izango da. Egun hauetan, bisitariek lan grafikoaren alorreko berrikuntzak gertutik ezagutzeko aukera izango dute; gainera, grabatu eta estanpazio teknika ezberdinen zuzeneko erakustaldiak ikusteko aukera ere izango dute.
